கோன்ஐசும் கோலி குண்டும் நிறையவே கிடைக்கும் , மிதிவண்டியின் பின்னால் அமரவே அதிக வாய்ப்பு கிடைத்தது எனக்கோ சிறு ஏக்கம் உண்டு வயது மூத்தவர் களை எல்லாம் பார்க்கும் போது பெரிய ஏக்கம் உண்டு எங்கள் ஊரின் வழியாய் செல்லும் ரெயிலும் ,பேருந்தும் எனை அதிகம் சுமந்ததுண்டு பனை ஏறு பாவனையும் ,தெருவிளக்கு கம்பத்தில் ஏறு பாவனையும் அதிகம் கண்டதுண்டு நிலவை உரசும் விமானம் அடிக்கடி பார்ப்பதுண்டு அப்பாவை பார்க்கும் போதெல்லாம் சிறு ஏக்கம் உண்டு ! சரி தவறு தெரியாததால் போலிஸ் ,திருடன் இருவரில் செயிப்பவரையே அதிகம் பிடிக்கும் அதிலும் சிறு ஏக்கம் உண்டு அத்தனை ஏக்கமும் நிறைவேறி வெறுத்து துக்கப்படுகிறேன் எதுக்குதான் பெரியவனா வளந்தேனோ சின்ன பையனாவே இருந்திருக்கலாம் என . மற்றுமொரு ஏக்கம்! உலகம் எனை ஏமாற்றுகிறதா தெரிய வில்லை ! கருவறையில் துடித்தேன் உதைத்தேன் உலகைகான ஏக்கப் பட்டேன். சில பொருளுக்காய் உணர்வுகளுக்காய் ஏக்கப் பட்டேன் முடித்து விட்டு மீண்டும் கருவறைக்கே ஏக்கப் படுகிறேன் உலகம் எனை ஏமாற்றுகிறதா தெரிய வில்லை !