என்ன நடந்து விட்டது நமக்குள்

காய்ந்த இதயத்தை கண்ணீரால்
நனைத்தவன் நீ
சுருங்கிக்கிடந்த வயிற்றை
சுருக்கெடுத்தவன் நீ
தோழமை என்ற பெயரில் _வந்த
தாயுமானவன் நீ
புரிய முடியாத சோகவாழ்வில்
பருவமழையாய் வந்து போனாய்
நீ தீமையே செய்தாலும் நன்மையாய்
தெறிவதென்ன ?

நான் உனக்கு என்ன செய்ய வேண்டும்
எனும் பொழுதில்
நீ எனக்கு ஏதாவது செய்துவிடுகிறாய் !
தாய்மை அறிவேன்
காதல் அறிவேன்
நட்பை மட்டும் உணர்ந்தேன்
என்ன எதிர்பார்த்தாய் என்னிடம்
56kgசதை எலும்பை தவிற
ஒன்றுமில்லையே !
தூரமிருந்தே என் துக்கத்தை
துரத்துவது என்ன மாயம்
மொழியின் இலக்கணம் தெரியாதவனே
நட்பின் இலக்கணம் நடைபோடுவதென்ன

கல்வி எதற்கு
அறிவினை திறந்து
மனதினை புதைக்கவா !

மனிதனை இவ்வுலகில்
சந்தித்தேன் என்ற பெருமை
என்றுமே எனக்குண்டு
கலவை இல்லாத நட்பு
என்மீது ஏன் ?
தாய்மைக்கு ஈடான உன் நட்பு

ஆம்
இரண்டாவது முறையாக
நான் உன்னில் கருவுற்றேன்
கர்ணனை பார்த்ததில்லை -நீ
இல்லை என்று சொல்ல _என்
செவிப்பறைகள் கேட்டதுமில்லை !

எங்கிருந்தோ வந்த நான்
இங்கேயே இருக்கும் நீ
இங்கேயே இருக்க
எங்கோ அங்கே நான் போக
நீ ஏன் மறுக்க வேண்டும்
நான் ஏன் தயங்க வேண்டும்
என்ன நடந்து விட்டது நமக்குள்

                                              ________...........பெலிக்ஸ்