நாத்திகம் என்பது கடவுள் மறுப்பா

 நாத்திகம் என்பது கடவுள் மறுப்பா

கடவுள் என் தூரத்து காதலியாக இருந்து விட்டு போகலாம் 

அவள் எனக்கு கடிதம் அனுப்பப் போவதில்லை 

முத்தங்களை தரப்போவதில்லை என்னை அணைக்கப் போவதில்லை என் பசியை ஆற்றப் போவதில்லை என் பணத் தேவைகள் எதையும் அவள் செய்யப் போவதில்லை

அவ்வப்போது என் உளவியலில் சமநிலை தவறுதலை வேண்டுமானால் சரி செய்து கொண்டிருப்பாள்

ஒரு தூரத்தின் சமவெளியில் பச்சை நிற சுடிதார்கள் எல்லாம் என் காதலியை ஞாபகப்படுத்தலாம் மல்லிகை வாசங்கள் எல்லாம் அவள் வாசமாகவே மாறிப்போனது

நேற்று எனக்காக பரிந்து பேசிய இரண்டு நண்பர்களை கடவுளின் தூதனாகவே நான் பார்க்கிறேன்

என் ரத்தத்தை துடைத்து பசியாற்றி என் துக்கங்களோடு பகிர்ந்து கொண்ட ஒரு சகோதரனின் பதற்றத்தில் யாரைக் காண்பது

என் துக்கங்களை விசாரித்துக் கொண்டிருந்த தோழியின் உள்ளங்கை ஈரத்தில் 

யாரை நினைப்பது....

கடவுள்கள் போதும் வருவதில்லை அவளைப் போலவே

இருவரும் ஒன்றுதான் 

பருப்பொருள் அல்ல நினைவுகள் ஏக்கங்களின் கற்பனை உருவங்கள்

நாத்திகம் கடவுள் மறுப்பா 

இல்லவே இல்லை 

நாத்திகம் மத மறுப்பு....